Պաշտոնական. Անդրես Ինիեստան առաջին անգամ գլխավոր մարզիչ է նշանակվել 🎥
Անդրես Ինիեստան նշանակվել է ԱՄԷ-ի երկրորդ լիգան ներկայացնող «Գալֆ Յունայթեդի» գլխավոր մարզիչ, հայտնում է ակումբի մամուլի ծառայությունը։
Կողմերը պայմանագիր են ստորագրել, որի մանրամասները չեն հաղորդվում։
42-ամյա մասնագետի համար սա մարզչական առաջին փորձն է։ Նախկինում նա երբեք որևէ ակումբ չի մարզել։
Լեգենդար, նախկին կիսապաշտպանը մարզչական A արտոնագիր է ստացել։ Իսպանացին այժմ նաև մասնակցում է ՈՒՖԱ-ի PRO արտոնագրի դասընթացին։
Դուբայը ներկայացնող «Գալֆ Յունայթեդը» Արաբական Միացյալ Էմիրությունների երկրորդ լիգայի ավարտված մրցաշրջանում 28 խաղում վաստակել է 25 միավոր` առաջնությունն ավարտելով 10-րդ տեղում։
Ինիեստան առավել հայտնի է «Բարսելոնայում» ունեցած մրցելույթների ժամանակահատվածից, որի կազմում հանդես է եկել 1996-2018 թվականներին, 674 խաղում խփել է 57 գոլ, կատարել 136 գոլային փոխանցում, նվաճել 30 տիտղոս։
Նախկին կիսապաշտպանն Իսպանիայի ազգային հավաքականում էլ երկու անգամ դարձել է Եվրոպայի, մեկ անգամ` աշխարհի չեմպիոն։
Հ․Գ․ միացե՛ք Interfootball-ի Telegram-ի ալիքին https://t.me/Interfootball_am
Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml
# ԱՄԷ-ի երկրորդ լիգա, Անդրես Ինիեստա, Բարսելոնա, Գալֆ Յունայթեդ, Իսպանիայի հավաքական