Մբապեն հիասքանչ մարզավիճակում է! «Ռեալը» խոշոր հաշվով հաղթեց «Վալյադոլիդին» 🎥

Իսպանական Լա լիգայի 21-րդ տուրում գործող չեմպիոն Մադրիդի «Ռեալը» «Խոսե Սորիլիա» ստադիոնում հյուրընկալվելիս մրցեց «Վալյադոլիդի» դեմ։

«Արքայական» ակումբը գրեթե ամբողջ հանդիպման ընթացքում ուներ խաղային ու տարածքային լուրջ առվավելություն` հաղթելով 3:0 հաշվով։

Կառլո Անչելոտիի գլխավորած թիմից հերթական արդյունավետ հանդիպումն անցկացրեց Կիլիան Մբապեն, որը հեթ-տրիկ ձևակերպեց։

Ֆրանսիացի հարձակվողը Լա լիգայում խփել է արդեն 15 գոլ ու լավագույն ռմբարկուների պայքարում զիջում է միայն 16 գնդակով ցուցակը գլխավորող «Բարսելոնայի» հարձակվող Ռոբերտ Լևանդովսկիին։

«Ռեալը» վաստակեց 49 միավոր և ամրապնդվեց առաջին տեղում։ «Սերուցքայիններն» արդեն 4 միավորով են գերազանցում մոտակա հետապնդող Մադրիդի «Ատլետիկոյին»։ «Ռոխիբլանկոսն» ընթացիկ տուրում ոչ-ոքի (1:1) է գրանցել «Վիլյառեալի» դեմ խաղում։

«Վալյադոլիդը» վերջին` 20-րդ տեղում է և ունի ընդամենը 15 միավոր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից