Քրիստիան Էրիկսենը ժամանել է Միլան?
Լոնդոնի «Տոտենհեմի» 27-ամյա կիսապաշտպան Քրիստիան Էրիկսենը ժամանել է Միլան, որպեսզի ավարտին հասցնի իր տեղափոխությունը «Ինտեր»։ Միլանի օդանավակայանում դանիացի խաղացողին դիմավորել են բազմաթիվ լրագրոնղեր։
Ըստ Sky Sports-ի լրագրող Ջանլուկա դի Մարցիոյի՝ «Ինտերն» ու «Տոտենհեմը» մի քանի օր առաջ վերջապես հասել են համաձայնության։ Խաղացողի տրանսֆերի դիմաց միլանյան ակումբը կվճարի 20 մլն եվրո, որն իր մեջ ներառում է նաև նախատեսված բոնուսները։ Էրիկսենի ու «Ինտերի» միջև համաձայնագիրը նախատեսված կլինի մինչև 2024 թվականաը։
Հիշեցնենք, որ 27-ամյա խաղացողի պայմանագիրը «Տոտենհեմի» հետ ավարտվում է 2020 թվականի հունիսի 30-ին և կարող էր «Ինտեր» տեղափոխվել անվճար՝ որպես ազատ գործակալ, սակայն «ներաձուրիների» գլխավոր մարզիչ Անտոնիո Կոնտեն ցանկացավ խաղացողի տրանսֆերն իրականացնել հենց այս ձմռանը՝ արագացնելով գործընթացը։
# Անտոնիո-Կոնտե, Ինտեր, Տոտենհեմ, տրանսֆերներ, Քրիստիան-Էրիկսեն