Քեյնն ու Մուսիալան առաջնորդում են Բավարիային. «ռեկորդ մայսթերը» հաղթեց Գալաթասարային🎥

Չեմպիոնների լիգայի 3-րդ տուրում «Բավարիան» A խմբի շրջանակում հյուրընկալվելիս մրցեց «Գալաթասարայի» դեմ։

«Ռեկորդ մայսթերը» հանդիպումը բավական լավ սկսեց, քանի որ արդեն 8-րդ րոպեին Կինգլսի Կոմանը բացեց հաշիվը։

Նախքան ընդմիջում թուրքական ակումբը 30-րդ րոպեին Մաուրո Իկարդիի իրացրած դիպուկ 11-մետրանոցի շնորհիվ հավասարեցրեց հաշիվը։

Ընդհանուր առմամբ էլ, «Գալաթասարայն» առաջին կեսում ուներ խաղային լուրջ առավելություն, սակայն չէր կարողանում իրացնել գոլային պահերը։

Դիմանալով մրցակցի ճնշմանը` երկրորդ կեսում Թոմաս Տուխելի թիմը բեկեց հանդիպման ընթացքն ու խաղավերջում երկու գնդակ ուղարկեց Ֆերնանդո Մուսլերայի պաշտպանած դարպասը. 73-րդ և 79-րդ րոպեներին աչքի ընկան համապատասխանաբար Հարի Քեյնն ու Ջամալ Մուսիալան, ովքեր նաև մեկական գոլային փոխանցում կատարեցին միմյանց։

Այսպիսով, «Բավարիան» հաղթեց 3:1 հաշվով։

Այս խմբում կկայանա ևս մեկ հանդիպում.

«Մանչեսթեր Յունայթեդ» – «Կոպենհագեն»

A խմբի մրցաշարային աղյուսակն այժմ ունի հետևյալ տեսքը.

1. «Բավարիա» – 9 միավոր
2. «Գալաթասարայ» – 4
3. «Կոպենհագեն» (անցկացրած երկու խաղ) – 1
4. «Մանչեսթեր Յունայթեդ» (անկցացրած երկու խաղ) – 0

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am