Քեյնը վերջապես փայլեց. Տոտենհեմը ջախջախեց Մուրային🎥

Կոնֆերենցիաների լիգայի 2-րդ տուրում «Տոտենհեմը» G խմբի շրջանակում Լոնդոնում մրցեց Սլովենիան ներկայացնող «Մուրայի» դեմ։

«Խցանները» որևէ հնարավորություն չտվեցին մրցակցին և մեծ առավելության պայմաններում 5:1 հաշվով ջախջախեցին մրցակցին։

Հանդիպման հերոս դարձավ «Տոտենհեմի» գոլահար Հարի Քեյնհ, ով, դուրս գալով փոխարինման, իր անվան դիմաց հեթ-տրիկ գրանցեց։

Հատկանշանակ է, որ Քեյնն իր գոլերը խփել է ընդամենը 19 րոպեի ընթացքում` 68-87-րդ րոպեների ժամանակահատվածում։

«Տոտենհեմի» կազմից մեկական անգամ էլ աչքի ընկան Դելե Ալին ու Ջովանի Լո Չելսոն, իսկ «Մուրայի» միակ գոլը խփեց Ժիգա Կոուսը։

Այս խմբում կայացել է ևս մեկ հանդիպում.

«Վիտես» 1:2 «Ռեն»

Երկրորդ տուրից հետո G խումբն ստացավ հետևյալ տեսքը.

1. «Տոտենհեմ» – 4 միավոր
2. «Ռեն» – 4 միավոր
3. «Վիտես» – 3 միավոր
4. «Մուրա» – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am