Վլահովիչն առաջնորդում է Յուվենտուսին. «բյանկոներիները» խոշոր հաշվով հաղթեցին Լեչչեին🎥

Իտալական Ա սերիայի 21-րդ տուրում «Յուվենտուսը» «Վիա դել Մարե» մարզադաշտում հյուրընկալվելիս մրցեց «Լեչչեի» դեմ։

Գոլազուրկ առաջին կեսից հետո «բյանկոներիները» երկրորդ 45 րոպեների ընթացքում ունեին խաղային լուրջ առավելություն` մրցակցին հաղթելով 3:0 հաշվով։

Մասիմիլիանո Ալեգրիի թիմից դուբլի հեղինակ դարձավ Դուշան Վլահովիչը, ով Ա սերիայի ընթացիկ խաղարկությունում խփել է արդեն 11 գոլ և լավագույն ռմբարկուների պայքարում բարձրացավ երկրորդ հորիզոնական։

Թուրինյան ակումբից մեկ գոլ էլ խփեց Բրեմերը։

Այս հաղթանակից հետո «Յուվենտուսը» վաստակեց 52 միավոր և ժամանավորապես գլխավորեց Ա սերիայի մրցաշարային աղյուսակը։

«Բյանկոներիները» շրջանցեցին «Ինտերին», որն ընթացիկ տուրի իր հանդիպումը բաց թողնում` Սաուդյան Արաբիայում Իտալիայի Սուպերգավաթի խաղարկությանը մասնակցելու պատճառով։

«Լեչչեն», 21 միավորով, 14-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am