Վիրկուս. «Ռանոսը շատ հետաքրքիր և տաղանդավոր ֆուտբոլիստ է»

Ինչպես արդեն տեղեկացրել ենք, Հայաստանի հավաքականի հարձակվող Հրանտ-Լեոն Ռանոսը կարիերան կշարունակի Բունդեսլիգան ներկայացնող «Բորուսիա Մյոնխենգլադբախի» կազմում. ակումբը պաշտոնապես հաստատել է, որ պայմանագիր է կնքել 19-ամյա ֆուտբոլիստի հետ:

Մյոնխենգլադբախյան ակումբի սպորտային տնօրեն Ռոլանդ Վիրկուսը պայմանագրի ստորագրումից հետո խոսել է հայազգի ֆուտբոլիստի մասին.

«Հրանտ-Լեոն Ռանոսը շատ հետաքրքիր և տաղանդավոր ֆուտբոլիստ է, ով կարող է հանդես գալ ինչպես «9» համարի, այնպես էլ հարձակվողական ոճի կիսապաշտպանի դիրքում:

Նա տպավորիչ մրցաշրջան է անցկացրել Ռեգիոնալ լիգայում և ցանկանում է մեզ հետ իրեն դրսևորել ավելի բարձր մակարդակում, և մենք նրան կօգնենք այդ հարցում»,- Վիրկուսի խոսքերը մեջբերում է «Բորուսիայի» պաշտոնական կայքը:

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am