Վալենսիան երկուշաբթի օրը կհայտարարի նոր գլխավոր մարզչի անունը

50-ամյա իսպանացի մասնագետ Խավի Գարսիան մոտ օրերս պաշտոնապես կնշանակվի «Վալենսիայի» գլխավոր մարզիչ։ Գարսիան ժամանակին մարզել է «Վոթֆորդը», Կազանի «Ռուբինը», «Մալագան», «Ալմերիան», «Կադիսը» և մի շարք այլ ակումբներ։

Ինչպես տեղեկացնում է Marca-ն, կողմերի միջև կնքվելու է երեք տարվա պայմանագիր։ Աղբյուրի փոխանցմամբ՝ «չղջիկները» ծրագրել են բոլոր փաստաթղթային գործընթացները ավարտին հասցնել երկուշաբթի՝ հուլիսի 27-ին՝ պաշտոնապես հայտարարելով նոր նշանակման մասին։

Հիշեցնենք, որ վալենսիական ակումբը հունիսին անբավարար արդյունքների պատճառով պաշտոնանակ արեց Ալբերտ Սելադեսին, իսկ նրա փոխարեն գլխավոր մարզչի ժամանակավոր պաշտոնակատար նշանակվեց ակումբի նախկին ֆուտբոլիստ Վորո Գոնսալեսը։