Պերեսը Ռեալի երկրպագուներից մեկին ասել է, որ ամռանը պայմանագիր է կնքելու Մբապեի հետ

Իսպանական Լա լիգայի 7-րդ տուրի շրջանակում «Ռեալը» սեփական հարկի տակ չի կարողացել կոտրել «Վիլյառեալի» դիմադրությունը. գրանցվել է 0:0 հաշիվը։

Ինչպես տեղեկացնում է Directo Gol-ը, խաղից հետո «արքայական» ակումբի նախագահ Ֆլորենտինո Պերեսը կարճ զրույց է ունեցել երկրպագուների հետ։

Աղբյուրի փոխանցմամբ` Պերեսի մեքենային մի շարք երկրպագուներ են մոտեցել, որոնցից մեկը նրան ասել է. «Նախագահ, պայմանագիր կնքե՛ք Մբապեի հետ»։

«Հաջորդ ամռանը»,- պատասխանել է Պերեսն ու հեռացել։

Հիշեցնենք, որ վերջին ամառային տրանսֆերային պատուհանի ժամանակ «Ռեալը» շատ մոտ էր Կիլիան Մբաեին գնելուն, սակայն «Պարի Սեն-Ժերմենը» մերժեց «արքայական» ակումբի երեք առաջարկները։

«Սերուցքայինները» ֆրանսիացի տրանսֆերի համար նախ առաջարկեցին 160 մլն, ապա` 170+10 մլն, իսկ վերջում` 200 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am