Ազգերի լիգա. Նորվեգիան ֆանտաստիկ քամբեքով դուրս եկավ քառորդ եզրափակիչ 🎥
Ազգերի լիգա. Նորվեգիան ֆանտաստիկ քամբեքով դուրս եկավ քառորդ եզրափակիչ 🎥
18/11/2026 - 16:27

Ազգերի լիգայի խաղարկության A դիվիզիոնի չորրորդ խմբի վերջին` 6-րդ տուրում Նորվեգիայի ազգային հավաքականը Կոպենհագենի «Պարկեն» ստադիոնում 3:2 հաշվով գերկամային հաղթանակ տարավ Դանիայի թիմի նկատմամբ։

Դանիացիները 11-րդ ու 14-րդ րոպեներին Ռասմուս Հոյլունի և Պիեռ-Էմիլ Հոյբերգի խփած գոլերի շնորհիվ հաղթում էին 2:0 հաշվով, բայց «Վիկինգները» հետագայում ֆանտաստիկ քամբեք արեցին։

Նորվեգացիներից 37-րդ րոպեին հաշիվը կրճատեց Էռլինգ Հոլանդը, իսկ 83-ին Մարտին Էդեգորը խփեց երկրորդ պատասխան գնդակը։

Թվում էր, թե կողմերը գոլառատ ոչ-ոքի կգրանցեն, բայց 90+6-րդ րոպեին Հոլանդն աչքի ընկավ 11-մետրանոցից` թրիլերային հաղթանակ պարգևելով Սոլե Սոլբակենի գլխավորած թիմին։

Հոլանդը հավաքականում անցկացրած 61 խաղում 68 գոլ է խփել։

Խմբի մյուս խաղում Պորտուգալիայի հավաքականը մրցակցի դաշտում նույն` 3:2 հաշվով հաղթել է Ուելսին։

Մրցաշարային աղյուսակը վերջնական ստացավ հետևյալ տեսքը.

  1. Պորտուգալիա – 15 միավոր
  2. Նորվեգիա – 9
  3. Դանիա – 9
  4. Ուելս – 3

Այսպիսով, Պորտուգալիան առաջին տեղով դուրս եկավ քառորդ եզրափակիչ։ Դանիայի նկատմամբ կորզած հաղթանակի շնորհիվ Նորվեգիան նույնպես դուրս եկավ փլեյ-օֆֆ։ Դանիան և Ուելսը A/B լիգաների անցումային հանդիպումներ կանցկացնեն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2026