Պաշտոնական. Սամուել Ումտիտին փոխեց ակումբային գրանցումը

Ինչպես տեղեկացնում է Ա սերիայի նորեկ «Լեչեի» պաշտոնական կայքը, ակումբը մինչև 2023 թ. հունիսի 30-ը վարձակալել է «Բարսելոնայի» կենտրոնական պաշտպան Սամուել Ումտիտիին։

Կողմերի միջև վարձակալական պայմանագրում ներառված չէ գնման իրավունք։

Ինչ վերաբերում է ֆրանսիացի ֆուտբոլիստի աշխատավարձին, ապա դրա մի փոքր մասը վճարելու է «Լեչեն», սակայն Ումտիտիի յուրաքանչյուր մասնակցած հանդիպման համար «Բարսելոնան» ստանալու է հավելավճար։

Հավելենք, որ 28-ամյա պաշտպանը «բլաուգրանայի» շարքերը համալրել է 2016 թ. ամռանը, որի կազմում անցկացրել է 133 հանդիպում` դառնալով 2 գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am