Պաշտոնական. Նգոլո Կանտեն տեղափոխվեց Ալ Իթիհադ

Ինչպես տեղեկացնում է Սաուդյան Արաբիան ներկայացնող «Ալ Իթիհադի» մամուլի ծառայությունն, ակումբը պայմանագիր է կնքել «Չելսիի» կիսապաշտպան Նգոլո Կանտեի հետ։

Կողմերի միջև պայմանագիրը կնքվել է մինչև 2027 թ. հունիսի 30-ը։ Այդ ընթացքում ֆրանսիացի ֆուտբոլիստը վաստակելու է 100 մլն եվրո աշխատավարձ (տարեկան` 25 մլն)։

Ակնկալվում է, որ 32-ամյա ֆուտբոլիստը տարբեր եկամուտներ կունենա նաև կոմերցիոն գործարքներից ու իմիջային իրավունքների իրագործումից։

Կանտեն նոր ակումբի կազմում խաղալու է «7» համարի մարզաշապիկով։

Հավելենք, որ վերջինս «Չելսիի» կազմում հանդես էր գալիս 2016 թ. հուլիսից` անցկացրած 269 խաղում դառնալով 13 գոլի և 16 գոլային փոխանցման հեղինակ։

Հիշեցնենք, որ վերջերս «Ալ Իթիհադի» շարքերը համալրել է նաև «Ռեալ Մադրիդի» նախկին հարձակվող Կարիմ Բենզեման։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am