Պաշտոնական. Գատուզոն հեռացվեց Վալենսիայի գլխավոր մարզչի պաշտոնից

Ինչպես տեղեկացնում է «Վալենսիայի» պաշտոնական կայքը, ակումբի գլխավոր մարզիչ Ջենարո Գատուզոն հեռացվել է զբաղեցրած պաշտոնից։

45-ամյա մասնագետը «չղջիկների» գլխավոր մարզիչ էր նշանակվել 2022 թ. հուլիսին։

Այդ ընթացքում «Վալենսիան» անցկացրել է 22 հանդիպում, տոնել 7 հաղթանակ, կրել 10 պարտություն, 5 անգամ էլ խաղն ավարտել է ոչ-ոքի։

«Վալենսիայի» գլխավոր մարզչի ժամանակավոր պաշտոնակատար է նշանակվել 59-ամյա մասնագետ Վորո Գոնսալեսը։

Հավելենք, որ վալենսիական ակումբը Լա լիգայի շրջանակում անցկացրած 18 խաղից հետո վաստակել է 20 միավոր և զբաղեցնում է միայն 14-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am