ՉԼ․ հայտնի դարձան փլեյ-օֆֆ-ի առաջին թիմերը🎥

ՉԼ․ հայտնի դարձան փլեյ-օֆֆ-ի առաջին թիմերը🎥

25/11/2020 - 00:07

Նոյեմբերի 24-ին մեկնարկեց Չեմպիոնների լիգայի 2020/21 խաղարկության 4-րդ տուրը։

Խաղային օրը բացեցին E խմբի մասնակիցները, որի շրջանակում կայացավ երկու հանդիպում․«Չելսին» հյուրընկալվել էր «Ռենին», իսկ «Սևիլիան»՝ «Կրասնոդարին»։

Լոնդոնյան ակումբը բավականին լուրջ դիմադրության հանդիպեց «Ռենի» կողմից և միայն 90+1-րդ րոպեին հաջողվեց խփել հաղթական գնդակը։ Ֆրենկ Լեմպարդի սաներին հաղթանակ պարգևեցին Կալում Հոդսոն-Օդոյիի և Օլիվիե Ժիրուի խփած գոլերը, իսկ ֆրանսիական ակումբի միակ գոլն է գրանցվեց Սեխրու Գիրասիի անվան դիմաց։

Կրասնոդարում ընթացած հանդիպումը շատ ավելի դրամատիկ պայքարում անցավ։

4-րդ րոպեին Իվան Ռակիտիչը առաջ մղեց անդալուսական ակումբին, սակայն 56-րդ րոպեին Վանդերսոնը հավասարեցրեց հաշիվը և երբ թվում էր, թե խաղը կավարտվի 1։1 հաշվով, 90+5-րդ րոպեին Մունիրը խփեց «Սևիլիայի» հաղթական գոլը։

Այսպիսով, «Չելսին» ու «Սևիլիան» վաստակեցին 10-ական միավոր և նվաճեցին 1/8 եզրափակչի ուղեգիր՝ ընթացիկ խաղարկության շրջանակում դառնալով այդպիսի նվաճման հասած առաջին ակումբները։

«Ռենն ու «Կրասնոդարն» էլ մնացին վաստակած 1 միավորով և կպայքարեն Եվրոպա լիգայի ուղեգիր ձեռք բերելու համար։

# , , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023