Մխիթարյանն առաջիկա օրերին բուժզննում կանցնի Ինտերի համար

Մխիթարյանն առաջիկա օրերին բուժզննում կանցնի Ինտերի համար

19/06/2022 - 20:56

«Ռոմայի» կիսապաշտպան Հենրիխ Մխիթարյանը կարիերան կշարունակի «Ինտերի» կազմում։

Ինչպես հայտնում է ինսայդեր Ֆաբրիցիո Ռոմանոն, միլանյան ակումբը հայազգի կիսապաշտպանի հետ վերջնական համաձայնության է հասել. կողմերի միջև կնքվելու է 2 տարվա պայմանագիր։

Աղբյուրի փոխանցմամբ` գործարքն ավարտական փուլում է. 33-ամյա ֆուտբոլիստը մոտ օրերս բուժզննում կանցնի «ներաձուրիների» համար, ինչից հետո պաշտոնապես կհայտարարվի տրանսֆերի մասին։

Հավելենք, որ Մխիթարյանն «Ինտերի» շարքերը համալրելու է անվճար, քանի որ նրա ու «Ռոմայի» միջև գործող պայմանագիրն ավարտվում է սույն թվականի հունիսի 30-ին։

Հիշեցնենք, որ Հենրիխ Մխիթարյանը «Ռոմայի» կազմում հանդես էր գալիս 2019 թ. սեպտեմբերից, որի մարզաշապիկով անցկացրել է 117 հանդիպում` դառնալով 29 գոլի և 28 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023