Միլանը հիասքանչ խաղով հաղթեց Ատալանտային🎥

Միլանը հիասքանչ խաղով հաղթեց Ատալանտային🎥

04/10/2021 - 00:43

Իտալական Ա սերիայի 7-րդ տուրի կենտրոնական հանդիպումը կայացավ Բերգամոյի «Ատլետի Աձուրի դ’Իտալիա» մարզադաշտում, որտեղ «Ատալանտան» մրցեց «Միլանի» դեմ։

Կարելի է ասել` «ռոսոներիները» հանդիպումն սկսեցին 1:0 հաշվի պայմաններում, քանի որ արդեն 25-րդ վայրկյանին Դավիդե Կալաբրիան առաջ մղեց «Միլանին»։

Պետք է նշենք, որ գոլային դրվագում Կալաբրիային մեծապես օգնեց «Ատալանտայի» դարպասապահ Խուան Մուսոն, ով իտալացի պաշտպանի կատարած առաջին թույլ հարվածից հետո չկարողացավ ֆիքսել գնդակը։

Բաց թողած գոլից հետո «Ատալանտայի» ֆուտբոլիսներն ակտիվացան և մի շարք գոլային պահեր ստեղծեցին Մայք Մանյանի պաշտպանած դարպասի ուղղությամբ, սակայն Դավիդե Ձապակոստան և Դուվան Սապատան վրիպեցին նպաստավոր դիրքերից։

Նախքան ընդմիջման գնալն էլ Ստեֆանո Պիոլիի թիմը կրկնապատկեց իր առավելությունը. 43-րդ րոեպին դաշտի կենտրոնում Ռեմո Ֆրոյլերը կոպիտ սխալ թույլ տվեց, ինչի հետո Սանդրո Տոնալին մեն-մենակ մնաց Մուսոյի դիմաց և հաշիվը դարձրեց 2:0։

Կողմերն ընդմիջման գնացին «Միլանի»` երկու գնդակի առավելության պայմաններում։

Երկրորդ խաղակեսի մեծ մասում էլ Ջանպիերո Գասպերինիի սաներն ունեին տարածքային առավելություն, սակայն նրանք առնանձնապես ոչնինչ չէին կարողանում ստեղծել մրցակցի դարպասի ուղղությամբ։

Ակնհայտ էր, որ խաղն ընթանում է «Միլանի» ֆուրբոլիստների սցենարով, ովքեր էլ 78-րդ րոպեին Ռաֆայել Լեաուի ջանքերով հաշիվը դարձրին 3:0։

Խաղավարտին տանտերերը կարողացան «թրջել» խաղի հաշիվը. 86-րդ րոպեին աչքի ընկավ Դուվան Սապատան` հստակ իրացնելով 11-մետրանոց հարվածը։

Գասպերի սաները նաև մեկ գնդակ էլ հետ բերեցին. 90+4-րդ րոպեին գոլի հեղինակ դարձավ Մարիո Պաշալիչը։

Այսպիսով, «Միլանը» 3:2 հաշվով գեղեցիկ հաղթանակ տոնեց «Ատալանտայի» նկատմամբ, վաստակեց 19 և զբաղեցնում է 2-րդ հորիզոնականը։

«Ատալանտան» մնաց 11 միավորով, որը համապատասխանում է ընդամենը 8-րդ հորիզոնականին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023