Ման. Յունայթեդի ֆանտաստիկ comeback-ը. «կարմիր սատանաները» հաղթեցին Նոթինգհեմ Ֆորեսթին🎥

Անգլիական Պրեմիեր լիգայի 3-րդ տուրում «Մանչեսթեր Յունայթեդը» սեփական հարկի տակ մրցեց «Նոթինգհեմ Ֆորեսթի» դեմ։

Հանդիպումը պարզապես շոկային մեկնարկ ունեցավ «կարմիր սատանաների» համար, ովքեր արդեն 4-րդ րոպեին պարտվում էին 0:2 հաշվով։

«Անտառապահների» կազմից 2-րդ ու 4-րդ րոպեներին աչքի ընկան համապատասխանաբար Թոնի Ավոնիյին ու Վիլի Բոլին։

Այդուհանդերձ, Էրիկ Տեն Հագի թիմը հետագայում իր մեջ ուժ գտավ և կարողացավ բեկել հանդիպման ընթացքն` անելով ֆանտաստիկ combeback և հաղթելով 3:2 հաշվով։

Մանկունյական ակումբի գոլերը խփեցին Քրիստիան Էրիկսենը, Կազեմիրոն ու Բրունու Ֆերնանդեշը։

Այս հաղթանակից հետո «Մանչեսթեր Յունայթեդը» վաստակեց 6 միավոր` բարձրանալով 5-րդ հորիզոնական։

«Նոթինգհեմ Ֆորեսթը», 3 միավորով, 13-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am