Իսպանիայի գավաթ. Օսասունան դրամատիկ պայքարում հաղթեց Սևիլիային 🎥

Իսպանիայի գավաթ. Օսասունան դրամատիկ պայքարում հաղթեց Սևիլիային 🎥

26/01/2023 - 12:42

Իսպանիայի գավաթի 1/4 եզրափակիչի շրջանակում «Օսասունան» Պամպլոնայի «Էլ Սադար» մարզադաշտում մրցեց «Սևիլիայի» դեմ։

Գոլազուրկ առաջին կեսից հետո երկրորդ խաղակեսում կողմերը գրավիչ ֆուտբոլ պարգևեցին։

71-րդ րոպեին տանտերերը բազմաքայլ գրոհ զարգացրին, որը եզրափակեց Չիմի Ավիլան` բացելով հաշիվը։

Խփած գոլից հետո Յակոբա Արասատեի սաները վստահություն ստացան և կարող էին քանիցս կրկնապատկել հաշիվը, սակայն նպաստավոր դիրքերից վրիպեցին Լուկաս Տորոն ու Անտե Բուդիմիրը, ով աչքի ընկնելու երկու հիանալի պահ կորցրեց։

Թվում էր` «Օսասունան», ամեն դեպքում, կհաղթի 1:0 հաշվով, սակայն այդ սցենարի հետ համաձայն չէին Անդալուսիայից ժամանած հյուրերը. «Սևիլիայի» ֆուտբոլիստները 90+5-րդ րոպեին Յուսեֆ Էն-Նեսիրի ջանքերով խփեցին պատասխան գոլը։

Հանդիպման հիմնական ժամանակն ավարտվեց 1:1 հաշվով, ինչից հետո այն շարունակվեց լրացուցիչ ժամանակում։

Լրացուցիչ ժամանակում Խորխե Սամպաոլիի թիմն ուներ տոտալ առավելություն և գնդակին տիրում էր ժամանակի 90%-ը, սակայն 99-րդ րոպեին հյուրերը հակագրոհ բաց թողեցին, որը եզրափակեց Էզ Աբդեն։

Բաց թողած գոլը կարծես սառը ցնցուղ լիներ հյուրերի համար, ովքեր այլևս չկարողացան փրկել հանդիպումը։

Այսպիսով, «Օսասունան» հաղթեց 2:1 հաշվով` դուրս գալով Իսպանիայի գավաթի կիսաեզրափակիչ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023