Իսպանական կրքեր «Սան Մամեսում». Բարսելոնան դժվարությամբ հաղթեց Ատլետիկին🎥

Իսպանական Լա լիգայի 25-րդ տուրում «Բարսելոնան» հյուրընկալվելիս մրցեց «Ատլետիկ Բիլբաոյի» դեմ։

Բավական համառ պայքարում ընթացած խաղում Խավիի թիմը հաղթեց 1:0 հաշվով։

Հանդիպման միակ գոլը 45+1-րդ րոպեին խփեց Ռաֆինիան։

Նշենք, որ 88-րդ րոպեին բասկյան ակումբը խփեց պատասխան գոլը, սակայն գլխավոր մրցավար Խեսուս Խիլ Մանսանոն Ինիակի Վիլիամսի խփած գոլն Իկեր Մունիայինի ձեռքով խաղի պատճառով չեղարկեց։

90+4-րդ րոպեին էլ Էռնեստո Վալվերդեի թիմն աչքի ընկնելու ֆանտաստիկ պահ ուներ, սակայն Յուրի Բերչիչեի հարվածից հետո «Բարսային» փրկեց դարպասապահ Մարկ-Անդրե Տեր Շտեգենը, իսկ վրա հասած Գորկա Գուրուսետայի հարվածից հետո գնդակը դարպասաձողի օգնությամբ դատարկ դարպասից հեռացրեց Մարկոս Ալոնսոն։

Այսպիսով, Խավիի թիմը հաղթեց 1:0 հաշվով, ինչից հետո վաստակեց 65 միավոր և շարունակում է գլխավորել Լա լիգայի մրցաշարային աղյուսակը։

«Ատլետիկը», 33 միավորով, 9-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am