Ինտերը մեծ դժվարությամբ կոտրեց Ռոմայի դիմադրությունը 🎥

Իտալական Ա սերիայի 10-րդ տուրի կենտրոնական հանդիպումներից մեկը կայացավ Միլանի «Ջուզեպե Մեացա» մարզադաշտում, որտեղ «Ինտերը» մրցեց «Ռոմայի» դեմ։

Հանդիպման մեծ մասում «ներաձուրիներն» ունեին խաղային տոտալ առավելություն, սակայն Սիմոնե Ինձզագիի թիմը միայն 81-րդ րոպեին կարողացավ բացել հաշիվն ու հաղթանակ կորզել։

Հանդիպման միակ գոլը խփեց Մարկուս Թյուրամը։

Այս հաղթանակից հետո «Ինտերը» վաստակեց 25 միավոր` գլխավորելով Ա սերիայի մրցաշարային աղյուսակը։

Նշենք, որ միլանյան ակումբի կազմից հանդիպմանը մասնակցեց նաև Հենրիխ Մխիթարյանը, ով փոխարինվեց 75-րդ րոպեին։

«Գայլերը», 14 միավորով, 8-րդն են։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am