Ժիրուի հարվածային երեկոն. Միլանը շանս չտվեց Կալյարիին🎥

Իտալական Ա սերիայի 2-րդ տուրի շրջանակում «Միլանը» «Սան Սիրո» մարզադաշտում մրցեց «Կալյարիի» դեմ։

«Ռոսոներիները» գրեթե ողջ հանդիպման ընթացքում ունեին շոշափելի տարածքային ու խաղային առավելություն և մրցակցին հաղթեցին 4:1 հաշվով։

Միլանյան ակումբի կազմից դուբլի հեղինակ դարձավ թիմի նորեկ Օլիվիե Ժիրուն, մեկական էլ անգամ աչքի ընկան Սանդրո Տոնալին ու Բրահիմ Դիասը։

«Կալյարիի» միակ գոլն էլ խփեկ է Ալեսանդրո Դեյոլան։

Հավելենք, որ Ժիրուն «Միլանի» կազմում պաշտոնական խաղերում առաջին գոլը խփեց։

Հատկանշական է, որ այս խաղի բոլոր գոլերը գրանցվեցին առաջին խաղակեսում։

Այս հաղթանակից հետո Ստեֆանո Պիոլիի թիմը վաստակեց 6 միավոր և մի շարք թիմերի հետ գլխավորում է մրցաշարային աղյուսակը. «կարմրասևերը» լրացուցիչ ցուցանիշներով 4-րդն են։

«Կալյարին» իր ակտիվում ունի 1 միավոր և զբաղեցնում է 14-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am