Էրիկսենը, հնարավոր է, կարիերան շարունակի Պրեմիեր լիգան ներկայացնող մեկ այլ ակումբի կազմում

«Բրենթֆորդի» կիսապաշտպան Քրիստիան Էրիկսենը, հնարավոր է, ամառային տրանսֆերային պատուհանի ժամանակ փոխի ակումբային գրանցումը։

Ինչպես տեղեկացնում է The North Echo-ն, դանիացի կիսապաշտպանի ծառայություններով հետաքրքրված է «Նյուքասլը», որը ցանկանում է պայմանագիր կնքել նրա հետ։

Հաղորդվում է, որ «կաչաղակները» պատրաստ են էականորեն բարելավել 30-ամյա ֆուտբոլիստի աշխատավարձը, որը նա վաստակում է «Բրենթֆորդի» կազմում։

Ավելի վաղ կային տեղեկություններ, որ Էրիկսենին իրենց շարքերում են ցանկանում տեսնել նաև «Էվերտոնը», «Վեսթ Հեմն» ու «Տոտենհեմը»։

Հիշեցնենք, որ դանիացի կիսապաշտպանը 2022 թ. հունվարի 31-ին է կարճաժամկետ պայմանագիր կնքել «մեղուների» հետ, որը չի ներառում դրա` մեխանիկորեն երկարաձգման կետ։

Հավելենք, Էրիկսենը «Բրենթֆորդի» կազմում մինչ օրս անցկացրել է 5 հանդիպում` դառնալով 1 գոլի և նույնքան գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am