Արսենալը գոհ է իր պաշտպանի խաղից․ շուտով նրան նոր պայմանագիր կառաջարկվի

Ինչպես տեղեկացնում է The Independent պարբերականը, «Արսենալը» պատրաստվում է երկարաձգել պայմանագիրը կենտրոնական պաշտպան Դավիդ Լուիսի հետ ։

Հաղորդվում է, որ բրազիլացու ցուցադրած խաղից գոհ է անձամբ լոնդոնյան ակումբի գլխավոր մարզիչ Միկել Արտետան, ով կարծում է, որ 33-ամյա ֆուտբոլիստն առանցքային դեր ունի թիմում։

Արտետան կարծում է, որ Լուիսն իր դրական ազդեցությունն ունի երիտասարդ սերնդի որպես ֆուտբոլիստ կայացման հարցում։

Հավվելենք, որ բրազիլացի պաշտպանի և «զինագործների» միջև գործող պայմանագիրն ավարտվում է սույն թվականի հունիսի 30-ին։

Ընթացիկ մրցաշրջանում Դավիդ Լուիսը բոլոր խաղերի հաշվարկով «զինագործների» կազմում մասնակցել է 19 հանդիպման և 1 անգամ դարձել է գոլի հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am