Բրայթոնի ֆուտբոլիստների ու գլխավոր մարզչի ցնծությունը Եվրոպա լիգայի ուղեգիր նվաճելուց հետո🎥

Անգլիական Պրեմիեր լիգայի 32-րդ տուրից հետաձգված խաղում «Բրայթոնը» սեփական հարկի տակ մրցեց «Մանչեսթեր Սիթիի» դեմ. գրանցվեց 1:1 հաշիվը։

Այս արդյունքը «ճայերին» թույլ տվեց առաջնության ավարտից 1 տուր առաջ նվաճել Եվրոպա լիգայի ուղեգիր։

Նշենք, որ ակումբը պատմության մեջ առաջին անգամ է նվաճում եվրագավաթային որևէ մրցաշարի ուղեգիր։

Հանդիպումից հետո «Բրայթոնի» ֆուտբոլիստների և գլխավոր մարզիչ Ռոբերտ Դե Ձերբիի ուրախությանը չի եղել չափուսահման, ովքեր հանդերձարանում մեծ շուքով` երգուպարով, նշել են իրենց հաջողությունը։

Հավելենք, որ «Բրայթոնը» դեռևս 2016/17 մրցաշրջանում հանդես էր գալիս Անգլիայի նշանակությամբ երկրորդ դիվիզիոնում` Չեմպիոնշիփում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am