Լեսթերը շուտով կհայտարարի խոշոր տրանսֆերի մասին

Ֆրանսիական «Լիլի» կիսապաշտպան Բուբակարի Սումարեն , ամենայն հավանականությամբ, կարիերան կշարունակի «Լեսթերի» կազմում։

Ինչպես տեղեկացնում է իտալացի լրագրող Ֆաբրիցո Ռոմանոն, «աղվեսներն» անձնական պայմանագրի հարցում արդեն համաձայնության են հասել 22-ամյա ֆուտբոլիստի հետ, ում հետ կկնքեն 5 տարվա պայմանագիր։

Սպասվում է, որ անգլիական ակումբը Սումարեի տրանսֆերի դիմաց «Լիլին» կվճարի 30 մլն եվրոյի ոչ պակաս գումար։

Աղբյուրի փոխանցմամբ՝ գործարքը դեռևս վերջնական կայացած չէ, սակայն գտնվում է ավարտական փուլում, և կողմերը շուտով կհայտարարեն դրա մասին։

Հավելենք, որ Բուբակարի Սումարեն ՊՍԺ-ի սան է, սակայն 2017 թ․ հանդես է գալիս «Լիլի» կազմում, որի մարզաշապիկով մինչ այս պահն անցկացրել է 110 հանդիպում՝ դառնալով 1 գոլի և 3 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am