Բենֆիկայի առաջատարներից մեկը կհամալրի Բայերի շարքերը

«Բենֆիկայի» եզրային պաշտպան Ալեխանդրո Գրիմալդոն ազատ գործակալի կարգավիճակում կհամալրի «Բայերի» շարքերը։

Ինչպես տեղեկացնում է ինսայդեր Ֆաբրիցիո Ռոմանոն, «դեղագործներն» ու իսպանացի պաշտպանը վերջնական համաձայնության են հասել։

Կողմերը կնքելու են 4 տարվա պայմանագիր, որն ուժի մեջ կլինի մինչև 2027 թ. հունիսի 30-ը։

27-ամյա պաշտպանն օրեր առաջ նաև բուժզննում է անցել Լևերկուզենը ներկայացնող ակումբի համար։

Սպասվում է, որ օրեր անց կողմերը պաշտոնապես կհայտարարեն տրանսֆերի մասին։

Կային տեղեկություններ, որ Գրիմալդոն տեղափոխվելու է «Բարսելոնա», սակայն նրա ընտրությունը կանգ է առել «Բայերի» վրա։

Հավելենք, որ Ալեխանդրո Գրիմալդոն «Բենֆիկայի» կազմում հանդես էր գալիս 2016 թ. հունվարից, որի մարզաշապիկով մինչ օրս անցկացրել է 301 հանդիպում` դառնալով 26 գոլի և 65 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am