Լապորտա․ «Ես վստահ եմ, որ  Մեսսին ցանկանում է մնալ»

Լապորտա․ «Ես վստահ եմ, որ Մեսսին ցանկանում է մնալ»

18/04/2021 - 11:45

Copa del Rey-ի եզրափակչում «Բարսելոնան» 4։0 հաշվով հաղթեց «Ատլետիկ Բիլբաոյին»՝ 31-րդ անգամ դառնալով Իսպանիայի գավաթակիր։

Խաղից հետո կատալոնական ակումբի նախագահ Ժոան Լապորտան խոսել է հանդիպման իր տպավորությունների և թիմի ավագ ու առաջատար Լեո Մեսսիի մասին, ով այդ խաղում դարձել է դուբլի հեղինակ՝ խփելով «Բարսելոնայի» երրորդ ու չորրորդ գոլերը․

«Հիանալի հանդիպում էր անհավանական մրցակցի դեմ խաղում։ Սա պետք էր խաղացողներին։ Մենք ուրախ ենք խաղացողների, մարզչական շտաբի և երկրպագուների համար։ Հուսով եմ՝ գավաթների երկար շարքում սա կլինի առաջինը։

Մենք երկար ժամանակ գավաթ չէինք նվաճել և շատ էինք ցանկանում հաղթել, իսկ Ռոնալդ Կումանը և նրա թիմը հիանալի են գլուխ հանում ամեն ինչից։ Ես շատ ուրախ եմ նրանց համար

Լեոն լավագույնն է աշխարհում և նա սերտորեն կապված է ակումբի հետ։ Ես վստահ եմ, որ նա ցանկանում է մնալ, իսկ մենք կներդնենք մեր բոլոր ուժերը, որպեսզի Մեսսին, իրոք, մնա մեր շարքերում։ Այսօր բոլորը տեսան, որ Մեսսիին հիանալի թիմ է աջակցում»,- նշել է 58-ամյա ֆունկցիոները, ում խոսքերը մեջբերում է Marca-ն։

Հիշեցնենք, որ Լեո Մեսսիի ու «Բարսելոնայի» միջև գործող պայմանագիրն ավարտվում է 2021 թվականի հունիսի 30-ին, սակայն արդեն կան խոսակցություններ, որ Ժոան Լապորտան նոր պայմանագիր է նախապատրաստում արգենտինացի ֆուտբոլիստի համար։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023