Բարսելոնան վերջապես հաղթում է`ջախջախելով Լևանտեին🎥

Իսպանական Լա լիգայի 7-րդ տուրի շրջանակում «Բարսելոնան» սեփական հարկի տակ մրցեց «Լևանտեի» դեմ։

Կատալոնական ակումբը հանդիպման հենց մեկնարկում երկու գնդակի առավելություն ստացավ. 6-րդ րոպեի աչքի ընկավ Մեմֆիս Դեպայը, իսկ 14-րդ րոպեին` Լյուկ Դե Յոնգը։

Հանդիպման մնացած ժամանակահատվածում էլ «բլաուգրանասն» ուներ խաղային տոտալ առավելություն, որևէ հնարավորություն չէր տալիս մրցակցին, ստեղծեց բազում գոլային պահեր և կարող էր ևս մի քանի գնդակ ուղարկել «Լևանտեի» դարպասը, սակայն «Բարսելոնայի» ֆուտբոլիստներին դա հաջողվեց միայն 90+1-րդ րոպեին, երբ աչքի ընկավ Անսումանե Ֆաթին։

Այսպիսով, «Բարսելոլոնան» 3:0 հաշվով հաղթեց «Լևանտեին», վաստակեց 12 միավոր և բարձրացավ 5-րդ հորիզոնական։

«Լևանտեն» էլ մնաց 4 միավորով և զբաղեցնում է 17-րդ հորիզոնականը։

Հավելենք, որ կատալոնական ակումբն ընդհատեց անհաջող հանդիպումների շարքը։ «Բարսելոնան» նախորդ երեք պաշտոնական խաղերում չէր տոնել հաղթանակ։ Այդ ընթացքում Ռոնալդ Կումանի թիմը երկու խաղ ավարտել էր ոչ-ոքի և կրել մեկ պարտություն։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am