Բավարիան չի նկատում մրցակիցներին. մյունխենցիները ջախջախեցին Շտուտգարտին🎥

Գերմանական Բունդեսլիգայի 16-րդ տուրի մեկնարկային խաղում «Բավարիան» հյուրընկալվելիս մրցեց «Շտուտգարտի» դեմ։

Յուլիան Նագելսմանի սաները որևէ հնարավորություն չտվեցին մրցակցին` ջախջախելով 5:0 հաշվով։

Հանդիպման հերոս դարձավ Սերժ Գնաբրին, ով բոլոր 5 գոլերում էլ ունեցավ մասնակցություն` իր անվան դիմաց գրանցելով հեթ-տրիկ և երկու գոլային փոխանցում։

«Բավարիայի» կազմից ևս երկու գոլ էլ խփեց Ռոբերտ Լևանդովսկին, ով Բունդեսլիգայի ընթացիկ մրցաշրջանում խփած գոլերի քանակը հասցրեց 18-ի և վստահ գլխավորում է լավագույն ռմբարկուների ցուցակը։

Այս հաղթանակից հետո մյունխենյան ակումբը վաստակեց 40 միավոր և շարունակում է զբաղեցնել 1-ին հորիզոնականը։

Նշենք, որ «Բավարիան», անկախ մյուս հանդիպումների արդյունքներից, դարձավ Բունդեսլիգայի ձմեռային չեմպիոն։

«Շտուտգարտը», 17 միավորով, 15-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am