Վլահովիչը շարունակում է փայլել. Ֆիորենտինան ջախջախեց Սալերնիտանային🎥

Վլահովիչը շարունակում է փայլել. Ֆիորենտինան ջախջախեց Սալերնիտանային🎥

11/12/2021 - 20:05

Իտալական Ա սերիայի 17-րդ տուրի շրջանակում «Ֆիորենտինան» սեփական հարկի տակ մրցեց առաջնության ակնհայտ հետնապահ «Սալերնիտանայի» դեմ։

Ֆլորենցիան ներկայացնող ակումբը ոչ մի հնարավորություն չտվեց մրցակցին` հաղթելով 4:0 հաշվով։

«Մանուշակների» կազմից հերթական փայլուն հանդիպումն անցկացրեց Դուշան Վլահովիչը, ով դարձավ դուբլի հեղինակ, մեկական անգամ էլ աչքի ընկան Ջակոմո Բոնավենտուրան և Յուսեֆ Մալեհը։

Նշենք, որ Վլահովիչն Ա սերիայի ընթացիկ մրցաշրջանի շրջանակում խփեց արդեն իր 15-րդ գոլը և միանձնյա գլխավորեց առաջնության լավագույն ռմբարկուների ցուցակը` առաջ անցնելով «Լացիոյի» հարձակվող Չիրո Իմոբիլեից, ով խփել է 13 գոլ։

Հավելենք, որ այս հաղթանակից հետո «Ֆիորենտինան» վաստակեց 30 միավոր և զբաղեցնում է 5-րդ հորիզոնականը։

«Սալերնիտանան» իր ակտիվում ունի ընդամենը 8 միավոր և եզրափակում է Ա սերիայի մրցաշարային աղյուսակը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022