Ռեալը պատրաստ է անչափ ցածր գնով Ազարին վաճառել Չելսիին

Ռեալը պատրաստ է անչափ ցածր գնով Ազարին վաճառել Չելսիին

10/12/2021 - 23:17

«Ռեալ Մադրիդի» հարձակվող Էդեն Ազարը, հնարավոր է, շուտով վերադառնա «Չելսի»։

Բելգիացի ֆուտբոլիստը «Ռեալ» տեղափոխվելուց հետո ոչ մի կերպ չի կարողանում արդարացնել մադրիդյան ակումբի մարզչական շտաբի սպասելիքները` ստանալով նաև տարատեսակ վնասվածքներ։

30-ամյա ֆուտբոլիստը երբ վնասվածք չունի և դուրս է գալիս դաշտ, նույնիսկ այդ ժամանակ իրեն չի կարողանում դրսևորել այնպես, ինչպես բոլորը սպասում են։

Ինչպես տեղեկացնում է The Transfer Exchange Show-ն, «սերուցքայինների» ղեկավարները, հաշվի առնելով ակումբի ոչ այնքան բարվոք ֆինանսական վիճակը, մտադիր են մոտ ժամանակներս վաճառել Ազարին։

Աղբյուրի փոխանցմամբ` «Ռեալը» պատրաստ է ընդամենը 27 մլն եվրոյի դիմաց Ազարին վաճառել նրա նախկին ակումբին` «Չելսիին»։

Այդ կերպ «արքայական» ակումբը մտադիր է էականորեն կրճատել ինչպես տրանսֆերային, այնպես էլ աշխատավարձերի բյուջեն, քանի որ «Ռեաշը» վերջերս 225 մլն եվրո վարկ է վերցրել` «Սաբտիագո Բերնաբեու» մարզադաշտի խոտածածկի ջերմոցի կառուցման համար։

Հիշեցնենք, որ Էդեն Ազարը «Ռեալի» շարքերը համալրել է 2019 թ. ամռանը. այդ ժամանակ մադրիդյան ակումբը բելգիացի ֆուտբոլիստի տրանսֆերի դիմաց «Չելսիին» վճարել է115 մլն եվրո։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022