Շևչենկոն շուտով կգլխավորի Ա սերիան ներկայացնող ակումբը

Շևչենկոն շուտով կգլխավորի Ա սերիան ներկայացնող ակումբը

06/11/2021 - 12:59

Ուկրաինայի հավաքականի նախկին գլխավոր մարզիչ Անդրեյ Շևչենկոն, ամենայն հավանականությամբ, շուտով կստանձնի «Ջենոայի» գլխավոր մարզչի պաշտոնը։

«Ջենոան» վերջերս նոր սեփականատեր ունեցավ, ով պատրաստվում է պաշտոնանկ անել ակումբի ներկայիս գլխավոր մարզիչ Դավիդե Բալարդինիին։

Ինչպես տեղեկացնում է իտալացի ինսայդեր Ջանլուկա Դի Մարցիոն, «Ջենոան» գլխավորելու ամենահավանական թեկնածուն Անդրեյ Շևչենկոն է։

Ֆաբրիցիո Ռոմանոն էլ հայտնում է, որ ջենովական ակումբը բանակցություններ է վարում 45-ամյա մասնագետի հետ, որոնք բավական հաջող են ընթանում։

Նշվում է, որ «Ջենոան» պատրաստ է Շևչենկոյին պայմանագիր առաջարկել մինչև 2023 թ. հունիսի 30-ը, որը կունենա ևս մեկ տարով երկարաձգելու հնարավորություն։ Ուկրաինացի մասնագետի աշխատավարձը կկազմի 1.8 մլն եվրո։

Սպասվում է, որ Շևայի նշանակումը տեղի կունենա առաջիկա ժամերին։ «Ջենոան» ցանկանում է նրան նշանակել նախքան հավաքականների խաղերով պայմանավորցած դադարը, որպեսզի վերջինս հասցնի թիմին պատրաստել նոյեմբերի 21-ին «Ռոմայի» դեմ կայանալիք հանդիպմանը։

Հավելենք, որ «Ջենոան» Ա սերիայի ընթացիկ մրցաշրջանում անցկացրած 12 խաղից հետո վաստակել է ընդամենը 9 միավոր և զբաղեցնում է 17-րդ հորիզոնականը։

Հիշեցնենք, որ Անդրեյ Շևչենկոն 2016-2021 թթ. մարզել է Ուկրաինայի հավաքականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022