Լա լիգան ներկայացնող ակումբը բանակցություններ է սկսել Ջենարո Գատուզոյի հետ

Լա լիգան ներկայացնող ակումբը բանակցություններ է սկսել Ջենարո Գատուզոյի հետ

01/06/2022 - 10:55

Իտալացի անվանի նարզիչ Ջենարո Գատուզոն, հնարավոր է, շուտով նոր աշխատանք ունենա։

Ինչպես տեղեկացնում է ինսայդեր Նիկոլո Սկիրան, «Վալենսիան» բանակցություններ է սկսել 44-ամյա մասնագետի հետ։

Աղբյուրի փոխանցմամբ` «չղջիկները» Ռինո Գատուզոյին 2 տարվա պայմանագիր են առաջարկել` մինչև 2024 թ. հունիսի 30-ը, որն ունենալու է այն ևս 1 տարով երկարաձգելու կետ։

Հավելենք, որ Գատուզոյի վերջին աշխատավայրը եղել է «Նապոլին», որի գլխավոր մարզչի պաշտոնից հեռացել է 2021 թ. հունիսին։

Իտալացի մասնագետը ժամանակին մարզել է նաև «Սիոնը», «Պալերմոն», «Կրետեն», «Պիզան», «Միլան» Մ-19-ը, «Միլանը»։

Նշենք, որ «Վալենսիան» այժմ գլխավորում է Պեպե Բորդալասը, ում գործող պայմանագիրն ավավարտվում է 2023 թ. հունիսի 30-ը, և կան խոսակցություններ, որ ակումբի ղեկավարությունը դժգոհ է իսպանացի մասնագետի կատարած աշխատանքից։

«Չղջիկները» Լա լիգայի ավարտված 2021/22 մրցաշրջանում զբաղեցրին միայն 9-րդ հորիզոնականը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022