Ըմբշամարտի ԱԱ. Էդմոնդ Նազարյանը դուրս եկավ եզրափակիչ, Գևորգ Ղարիբյանի համար պայքարն ավարտվեց

Ըմբշամարտի ԱԱ. Էդմոնդ Նազարյանը դուրս եկավ եզրափակիչ, Գևորգ Ղարիբյանի համար պայքարն ավարտվեց

12/09/2022 - 19:15

Սերբիայի մայրաքաղաք Բելգրադում շարունակվում է ըմբշամարտի աշխարհի առաջնությունը։

Ասյօր պայքարի մեջ մտան 60 կգ քաշային կարգի հունահռոմեական ոճի ըմբիշները, որի շրջանակում Հայաստանը ներկայացնում էր Գևորգ Ղարիբյանը։

Ղարիբյանը մեկնարկային գոտեմարտում վրացի ըմբիշին հաղթելուց 1/8 եզրափակիչում տուշեով պարտվեց Ղազախստանը ներկայացնող Այդոս Սուլթանգալիին։

Վերջինս էլ կիսաեզրափակիչում 0:7 հաշվով զիջեց Ժոլաման Շարշենբեկովին (Ղրղզստան), ինչի հետևանքով պայքարից դուրս մնաց նաև Գևորգ Ղարիբյանն ու զրկվեց բրոնզե մեդալի համար պայքարելու հնարավորությունից։

Այս քաշային կարգում հանդես է գալիս նաև Բուլղարիան ներկայացնող Էդմոնդ Նազարյանը, ով անկախ Հայաստանի պատմության առաջին օլիմպիական չեմպիոն Արմեն Նազարյանի որդին է։

20-ամյա ըմբիշը հաղթեց բոլոր մրցակիցներին` դուրս գալով եզրափակիչ։

Սեպտեմբերի 13-ին Նազարյանն աշխարհի չեմպիոնի տիտղոսը կվիճարկի Շարշենբեկովի դեմ կայանալիք գոտեմարտում։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022