Դրամա Պրահայում. Իսպանիան 90-րդ րոպեին ոչ-ոքի կորզեց Չեխիայի դեմ խաղում🎥

Դրամա Պրահայում. Իսպանիան 90-րդ րոպեին ոչ-ոքի կորզեց Չեխիայի դեմ խաղում🎥

06/06/2022 - 00:40

Ազգերի լիգայի A դիվիզիոնի 2-րդ խմբում Չեխիայի հավաքականը 2-րդ տուրի շրջանակում սեփական հարկի տակ մրցեց Իսպանիայի դեմ։

Առաջ ընկնելով` նշենք, որ տանտերերը մոտ էին խոշոր անակնկալ մատուցելուն և տևական ժամանակ «ֆուրիա ռոխային» հաղթում էին 2:1 հաշվով, սակայն Լուիս Էնրիկեի թիմը 90-րդ րոպեին ոչ-ոքի կորզեց։

Յարոսլավ Շիլհավիի թիմի կազմից փայլեց 25-ամյա հարձակվող Յան Կուխտան, ով դարձավ գոլի և գոլային փոխանցման հեղինակ` օգնելով աչքի ընկնել նաև իր թիմակից Յակուբ Պեշեկին։

«Ֆուրիա ռոխայի» գոլերն էլ խփեցին Գավին ու Ինիգո Մարտինեսը։

Հատկանշական է, որ չեխերը հանդիպման ընթացքում գնդակին տիրեցին ընդամենը ժամանակի 27%-ը և կատարեցին երկու դիպուկ հարված, սակայն, միևնույնն է չպարտվեցին։

Հավելենք, որ A դիվիզիոնի 2-րդ խմբում կայացավ ևս մեկ հանդիպում.

Պորտուգալիա 4:0 Շվեյցարիա

Խումբը 2-րդ տուրից հետո ունի հետևյալ տեսքը.

  1. Պորտուգալիա – 4 միավոր
  2. Չեխիա – 4 միավոր
  3. Իսպանիա – 2 միավոր
  4. Շվեյցարիա – 0 միավոր

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022