Ատալանտան դիմացավ Ռոմայի ճնշմանը` հաղթելով «գայլերին»🎥

Ատալանտան դիմացավ Ռոմայի ճնշմանը` հաղթելով «գայլերին»🎥

18/09/2022 - 22:29

Իտալական Ա սերիայի 7-րդ տուրում «Ատալանտան» Հռոմի «Օլիմպիկո» մարզադաշտում մրցեց «Ռոմայի» դեմ։

Չնայած հանդիպման ողջ ընթացքում «գայլերն» ունեին տարածքային ու խաղային լուրջ առավելություն, միևնույնն է, չկարողացան գեթ մեկ գնդակ ուղարկել հյուրերի դարպասը։

Դեռ ավելին` Բերգամոն ներկայացնող ակումբը կատարած միակ դիպուկ հարվածով կարողացավ հաղթանակ կորզել. 35-րդ րոպեին Ջան Պիերո Գասպերինիի թիմին հաղթանակ պարգևեց 18-ամյա պաշտպան Ջորջիո Սկալվինին։

Նշենք, որ հանդիպման հերոս դարձավ հյուրերի դարպասապահ Մարկո Սպորտիելոն, ով կատարեց 5 սեյվ։

Այսպիսով, «Ատալանտան» հաղթեց 1:0 հաշվով, վաստակեց 17 միավոր` դառնալով Ա սերիայի առաջատար։

Ժոզե Մոուրինիոյի թիմը, 13 միավորով, 6-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022