Չեխական ֆուտբոլի տաղանդներից մեկը տեղափոխվում է Բայեր

Չեխական ֆուտբոլի տաղանդներից մեկը տեղափոխվում է Բայեր

26/05/2022 - 16:11

«Սպարտա Պրահայի» հարձակվող Ադամ Հլոժեկը կարիան կշարունակի «Բայեր Լևերկուզենի» կազմում։

Ինչպես տեղեկացնում է ինսայդեր Ֆաբրիցիո Ռոմանոն, Լևերկուզենը ներկայացնող ակումբն ավարտին է հասցրել 19-ամյա ֆուտբոլիստի տրանսֆերը, որի դիմաց կվճարի 13 մլն եվրո։

Սպասվում է, որ «Սպարտան» չեխ ֆուտբոլիստի հաջորդ վաճառքից կունենա 30% մասնաբաժին։

Նշենք, որ կողմերի միջև կնքվելիք պայմանագրից մանրամասներ չեն հաղորդվում։

Հավելենք, որ Ադամ Հլոժեկը համարվում է չեխական ֆուտբոլի ամենատաղանդավոր ներկայացուցիչներից մեկը, ով «Սպարտա Պրահայի» սան է, որի մարզաշապիկով անցկացրել է 132 հանդիպում` դառնալով 40 գոլի և 36 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2022