Ագուերոն ցանկանում է հեռանալ Բարսելոնայից

«Բարսելոնայի» նորեկ Սերխիո Ագուերոն ցանկանում է հեռանալ ակումբից այն բանից հետո, երբ հայտնի դարձավ, որ Լեո Մեսսին լքել է «կապտնռագույնների» շարքերը։ Այդ մասին հայտնել են Beteve-ի «La Porteria» հաղորդաշարի ընթացքում։

Աղբյուրի փոխանցմամբ` 33-ամյա ֆուտբոլիստն իր իրավաբանների հետ ուսումնասիրում է «Բարսելոնայի» հետ կնքված պայմանագիրը, որպեսզի հենց այս ամառ էլ հեռանա կատալոնական ակումբից։

Արգենտինացի հարձակվողն անչափ զայրացած է «Բարսելոնայի» ղեկավարության վրա, քանի որ նրան խոստացել էին, որ նա խաղալու է Լեո Մեսսիի հետ։

Հաղորդվում է, որ, ըստ Ագուերոյի, «իր ապագան մշուշոտ է «Բարսելոնայում»»։

Հիշեցնենք, որ Սերխիո Ագուերոն վերջերս է «Մանչեսթեր Սիթիից» ազատ գործակալի կարգավիճակով տեղափոխվել «Բարսելոնա»` ակումբի հետ կնքելով 2 տարվա պայմանագիր։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am