Գրինվուդը կարող է կարիերան շարունակել Իտալիայում

«Մարսելի» վինգեր Մեյսոն Գրինվուդը կարիերան կարող է շարունակել Իտալիայում, սոցցանցերում գրում է ինսայդեր Նիկոլո Սկիրան։

Անգլիացի ֆուտբոլիստի ծառայություններով հետաքրքրված է «Ռոման»։

24-ամյա եզրայինի տրանսֆերի գնումը «Ջալոռոսիի» գլխավոր մարզիչ Ջան Պիերո Գասպերինիի հիմնական նպատակն է։

Հռոմեական ակումբը նախնական բանակցություններ է վարել վինգերի ներկայացուցիչների հետ։ Նրան ձեռք բերելուն հավակնում է նաև «Տոտենհեմը»։

Գրինվուդի նախորդ ակումբը` «Մանչեսթեր Յունայթեդը», ֆուտբոլիստի հաջորդ տրանսֆերից կունենա 40 տոկոս մասնաբաժին։

Անգլիացին «Մարսելում» հանդես է գալիս 2024թ. հուլիսից, 81 խաղում խփել է 48 գոլ, կատարել 17 ասիստ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml