«Ֆլամենգոն»` Լիբերտադորեսի գավաթակիր 🎥

«Ֆլամենգոն» Լիբերտադորեսի գավաթի խաղարկության եզրափակիչում բրազիլական դերբիում 1:0 հաշվով հաղթել է «Պալմեյրասին»։

Պերուի մայրաքաղաք Լիմայի «Մոնումենտալ» ստադիոնում կայացած խաղում հանդիպման միակ գոլը 67-րդ րոպեին խփել է Բրազիլիայի ազգային հավաքականի պաշտպան Դանիլոն։

Ռիո դե Ժանեյրո քաղաքը ներկայացնող ակումբը Լիբերտադորեսի գավաթը նվաճել է պատմության մեջ չորրորդ անգամ։ Նախորդ հաղթական եզրափակիչները կայացել են 1981, 2019 ու 2022 թվականներին։

«Ֆլամենգոն» հաջողության շնորհիվ որակավորվել է նաև 2029թ. աշխարհի ակումբային առաջնությանը։

Հավելենք` մրցաշարում հաղթանակների քանակով ռեկորդակիրը շարունակում է մնալ արգենտինական «Ինդեպիենդենտեն», որը Լիբերտադորեսի գավաթի իր բոլոր 7 եզրափակիչները հաղթել է։ Վերջին անգամ, սակայն, ակումբը տիտղոսը նվաճել է հեռավոր 1984 թվականին։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. միացե՛ք Interfootball-ի Instagram-ի էջին https://shorturl.at/6vBml