Մեսիի անհավանական բենեֆիսը. «Ինտեր Մայամին» ջախջախիչ հաղթանակով քառորդ եզրափակիչում է🎥

ՄԼՍ-ի 1/8 եզրափակիչի շարքի երրորդ խաղում «Ինտեր Մայամին» սեփական դաշտում 4:0 հաշվով ջախջախել է «Նեշվիլին»։

Տանտերերից ֆանտաստիկ հանդիպում է անցկացրել «Ոսկե գնդակի» 8-ակի դափնեկիր Լիոնել Մեսին` գրանցելով դուբլ ու երկու ասիստ։

Արգենտինացի հարձակվողը կարիերայում հատել է 400-րդ գոլային փոխանցման սահմանը։

Խավիեր Մասկերանոյի գլխավորած թիմից դուբլ է ձևակերպել նաև Տադեո Ալենդեն։

«Ինտեր Մայամին» դուրս է եկել քառորդ եզրափակիչ, որտեղ կմրցի «Ցինցինատիի» դեմ։ Հանդիպումը կկայանա նոյեմբերի 23-ին։

ՄԼՍ-ի փլեյ-օֆֆ-ի քառորդ եզրափակիչից դիմակայությունները բաղկացած կլինեն մեկ խաղից։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am