Ըմբշամարտի ԵԱ. Շանթ Խաչատրյանը լարված պայքարում պարտվեց օլիմպիական կրկնակի փոխչեմպիոնին 🎥

Սլովակիայի մայրաքաղաք Բրատիսլավայում ընթացող հունահռոմեական ոճի ըմբշամարտի Եվրոպայի առաջնությունում Շանթ Խաչատրյանը (72 կգ) չկարողացավ հաղթահարել որակավորկան փուլը։

Հայ ըմբիշը մրցեց Տոկիոյի և Փարիզի Օլիմպիական խաղերի արծաթե մեդալակիր, Ուկրաինան ներկայացնող ադրբեջանցի Պարվիզ Նասիբովի դեմ և լարված պայքարում պարտվեց 6:10 հաշվով։

Խաչատրյանը գոտեմարտի ընթացքում մրցակցին հաղթում էր 6:0 հաշվով, սակայն բաց թողեց առավելությունը։

Նասիբովի եզրափակիչ դուրս գալու դեպքում Խաչատրյանը սփոփիչ գոտեմարտ անցկացնելու հնարավորություն կստանա։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից

Տեսանյութը` Sportaran-ի