Դորտմունդի Բորուսիան շարունակում է ձախողվել` դուրս մնալով Գերմանիայի գավաթից 🎥

Գերմանիայի գավաթի խաղարկության 1/16 եզրափակիչում Դորտմունդի «Բորուսիան» «Ֆոլկսվագեն Արենա» մարզադաշտում հյուրընկալվելիս մրցել է «Վոլֆսբուրգի» դեմ։

Հանդիպումն անցել է անչափ լարված ու համառ պայքարում, որի հիմնական ժամանակում կողմերը չեն պարզել հաղթողին։

Լրացուցիչ ժամանակում սցենարը գրեթե նույնն էր, և թվում էր, թե կողմերը հաղթողին պարզելու համար իրացնելու եմ 11-մետրանոցներ, սակայն 117-րդ րոպեին «գայլերին» հաջողվեց խփել բաղձալի գոլը. հերոսացավ Յոնաս Վինդը։

Այսպիսով, «Վոլֆսբուրգը» հաղթեց 1:0 հաշվով և գավաթի խաղարկության 1/8 եզրափակիչում է։

Հավելենք, որ «Բորուսիան» բոլոր մրցաշարերում կրեց երրորդ անընդմեջ պարտությունը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

Հ.Գ.Գ. Ֆուտբոլային մարզաշապիկներ կարող եք ձեռք բերել isport օնլայն խանութից