Ֆոնսեկան խոսել է Մխիթարյանի մասին

Իտալական Ա սերիայի 25-րդ տուրի շրջանակում «Ռոման» «Օլիմպիկո» մարզադաշտում 4։0 հաշվով հաղթեց «Լեչչեին», իսկ Հենրիխ Մխիթարյանը դարձավ գոլի և գոլային փոխանցման հեղինակ։

Այդ խաղից հետո հռոմեական ակումբի գլխավոր մարզիչ Պաուլու Ֆոնսեկան խոսել է հայ կիսապաշտպանի մասին․

«Հենրիխը կտրուկ բարձրացրեց մեր թիմի կրեատիվությունը, նա ժամանակին փոխանցում է կատարում և կայացնում է ճիշտ որոշումներ։

Երբ նա վնասվածք ուներ, «Ռոման» շատ էր զգում նրա կարիքը»,- Ֆոնսեկայի խոսքը մեջբերում է Sky Sports Italia-ն։