Տոկիո-2020. Վազգեն Թևանյանն իմացավ իր մրցակցին

Տոկիո-2020. Վազգեն Թևանյանն իմացավ իր մրցակցին

05/08/2021 - 10:34

Տոկիո-2020-ը մոտենում է իր ավարտին։

Օգոստոսի 6-ին պայքարը կսկսի Հայաստանի վերջին ներկայացուցիչը. միչև 65 կգ քաշային կարգում մեդալների համար կպայքարի ազատ ոճի ըմբիշ Վազգեն Թևանյանը։

Արդեն կայացել է այդ քաշային կարգի վիճակահանությունը, ինչի արդյունքում պարզ է դարձել, որ 21-ամյա ըմբիշը 1/8 եզրափակիչում մրցելու է Ռուսաստանի օլմպիական կոմիտեն ներկայացնող Հաջիմուրադ Ռաշիդովի դեմ։

Ռաշիդովը 2019 թ. Ղազախստանի մայրաքաղաք Նուր-Սուլթանում կայացած աշխարհի առաջնությունում դարձել է չեմպիոն, իսկ 2017-ին Փարիզում ու 2018-ին Բուդապեշտում` արծաթե մեդալակիր, սակայն այդ ժամանակ հանդես է եկել մինչև 61 կգ քաշային կարգում։

Ռաշիդովը 2016 ու 18 թվականներին էլ դարձել է Եվրոպայի չեմպիոն, սակայն այդ անգամ հանդես է եկել համապատասխանաբար 57 ու 61 կգ քաշային կարգերում։

Այսպիսով, կարելի է ասել, որ Վազգեն Թևանյանին հենց մեկնարկից անչափ բարդ մրցակից է բաժին հասել։

Հավելենք, որ Վազգեն Թևանյան – Հաջիմուրադ Ռաշիդով գոտեմարտը կկայանա օգոստոսի 6-ին` Երևանի ժամանակով 6:30-ից սկսած։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023