Ռոման ավարտին է հասցրել Պորտուի կիսապաշտպանի տրանսֆերը

Ռոման ավարտին է հասցրել Պորտուի կիսապաշտպանի տրանսֆերը

12/01/2022 - 12:27

«Պորտուի» կիսապաշտպան Սերժիու Օլիվեյրան կարիերան կշարունակի «Ռոմայի» կազմում։

Ինչպես տեղեկացնում է հանարահայտ ինսյադեր Ֆաբրիցիո Ռոմանոն, «գայլերը» մինչև ընթացիկ մրցաշրջանի ավարտը կվարձակալեն 29-ամյա կիսապաշտպանին, որի ավարտից հետո կունենան 13 մլն եվրոյի դիմաց նրան գնելու իրավունք։

«Վիշապները» ևս 1 մլն եվրո կստանան վարձակալության դիմաց։

Նշենք, որ պորտուգալացի ֆուտբոլիստն այսօր` հունվարի 12-ին, կմեկնի Հռոմ, որպեսզի բուժզննում անցնի և ավարտին հասցնի իր տեղափոխությունը։

Ռոմանոն գրում է, որ հռոմեական ակումբից կհեռանան նաև երկու ֆուտբոլիստներ. Բորխա Մայորալը, ում տրանսֆերային իրավունքները պատկանում են «Ռեալ Մադրիդին», և Գոնսալո Վիլյարը վարձավճարով կտեղափոխվեն «Խետաֆե»։

Հավելենք, որ Սերժիու Օլիվեյրան «Պորտուի» սան է, որի կազմում անցկացրել է 174 հանդիպում` դառնալով 39 գոլի և 24 գոլային փոխանցման հեղինակ։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023