Պաշտոնական. Ունայի Էմերին գլխավորեց Աստոն Վիլլան

Պաշտոնական. Ունայի Էմերին գլխավորեց Աստոն Վիլլան

25/10/2022 - 00:08

Ինչպես տեղեկացնում է «Աստոն Վիլլայի» պաշտոնական կայքը, ակումբի նոր գլխավոր մարզիչ է նշանակվել Ունայի Էմերին։

Կողմերի միջև կնքված պայմանագրի մանրամասները չեն հաղորդվում, սակայն այն ուժի մեջ կմտնի սույն թվականի նոյեմբերի 1-ից, երբ կլուծվի իսպանացի մասնագետի աշխատանքային վիզայի հարցը։

Նշենք, որ 50-ամյա մասնագետը 2020 թ. հուլիսից մարզում էր «Վիլյառեալը», ու «Աստոն Վիլլան» նրան նշանակելու համար «դեղին սուզանավին» վճարել է 6 մլն եվրո հրաժարագին։

Ըստ ինսայդեր Ֆաբրիցիո Ռոմանոյի տեղեկությունների` Էմերին Բիրմինգհեմը ներկայացնող ակումբում ստանալու է տարեկան 7 մլն եվրո աշխատավարձ։

Հավելենք, որ «Վիլյառեալն» Էմերիի գլխավորությամբ անցկացրել է 130 հանդիպում, տոնել 66 հաղթանակ, 33 հանդիպում ավարտել ոչ -ոքի և կրել 31 պարտություն։

«Դեղին սուզանավը» Էմերիի օրոք 2021 թ. դարձել է Եվրոպա լիգայի հաղթող։

Հիշեցնենք, որ իսպանացի մասնագետն անգլիական Պրեմիեր լիգայում աշխատելու փորձ արդեն ունի։ Նա 2018-19 թթ. մարզել է «Արսենալը»։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023