Չելսին լուրջ կորուստով է մոտենում Ռեալի դեմ պատասխան հանդիպմանը

Ապրիլի 12-ին Չեմպիոնների լիգայի 1/4 եզրափակիչի շրջանակում կկայանա «Ռեալ Մադրիդ» – «Չելսի» դիմակայության պատասխան հանդիպումը։

Հանդիպումից առաջ տեղի ունեցած մամուլի ասուլիսի ժամանակ լոնդոնյան ակումբի գլխավոր մարզիչ Թոմաս Տուխելը խոսել է «Չելսիի» կորուստների մասին.

«Կալում Հոդսոն-Օդոյի դեռևս չի ապաքինվել վնասվածքից, իսկ Բեն Չիլվելը շարքից դուրս է դեռևս երկար ժամանակով։

Ռոմելու Լուկակուն նույնպես բաց կթողնի հանդիպումը, ով ցավեր ունի աքիլեսյան գարշապարի հատվածում։

Սեզար Ասպիլիկուետան վերադարձել է շարք։ Նա մի քանի անգամ արդեն հանձնել է կորոնավիրուսի բացասական թեստ և կարող է լինել կազմում։

Ռոս Բարկլին վատառողջ է և չի մասնակցելու հանդիպմանը։

Այժմ իրավիճակն այսպիսն է։ Մյուսներն առողջ են և պատրաստ հանդիպմանը»,- գերմանացի մասնագետի խոսքերը մեջբերում է «ազնվականների» պաշտոնական կայքը։

Հիշեցնենք, որ դիմակայության առաջին խաղում «Չելսին» սեփական հարկի տակ պարտվել է 1:3 հաշվով։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am