Նապոլին նույնպես սայթաքեց` չկարողանալով գլխավորել Ա սերիայի մրցաշարային աղյուսակը🎥

Նապոլին նույնպես սայթաքեց` չկարողանալով գլխավորել Ա սերիայի մրցաշարային աղյուսակը🎥

22/02/2022 - 11:19

Իտալական Ա սերիայի 26-րդ տուրի շրջանակում «Նապոլին» հյուրընկալվելիս մրցեց հետնապահների թվում ընթացող «Կալյարիի» դեմ։

Առաջ ընկնելով` նշենք, որ Լուչինո Սպալետիի թիմը չկարողացավ օգտվել «Միլանի» ու «Ինտերի» սայթաքումներից ու գլխավորել Ա սերիայի մրցաշարային աղյուսակը։

«Կալյարին» լուրջ դիմադրություն ցույց տվեց նեապոլիտանական ակումբին, իսկ հանդիպումն ավարտվեց 1:1 հաշվով։

Դեռ ավելին` «Նապոլին» միայն 87-րդ րոպեին կարողացավ խուսափել պարտությունից. աչքի ընկավ Վիկտոր Օսիմենը, իսկ «Կալյարիի» գոլը 58-րդ րոպեին խփել էր Գաստոն Պերեյրոն։

Այսպիսով, այս ոչ-ոքիից հետո «Նապոլին» վաստակեց 54 միավոր և մնաց 3-րդ հորիզոնականում։

Նշենք, որ Ա սերիայի առաջատար «Միլանն» ունի 56, իսկ 2-րդ հորիզոնականը զբաղեցնող «Ինտերը»` 54 միավոր։

«Ներաձուրիները», մյուս առաջատարների համեմատ, մեկ հանդիպում քիչ են անցկացրել, որի շրջանակում հյուրընկալվելիս պետք է մրցի «Բոլոնիայի» դեմ։

«Կալյարին», 22 միավորով, 18-րդն է։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am

# , , , , , , , ,

Մեջբերումներ անելիս ակտիվ հղումը Interfootball.am-ին պարտադիր է: Կայքի հոդվածների մասնակի կամ ամբողջական հեռուստառադիոընթերցումն առանց Interfootball.am-ին հղման արգելվում է: Կայքում արտահայտված կարծիքները պարտադիր չէ, որ համընկնեն կայքի խմբագրության տեսակետի հետ: Գովազդների բովանդակության համար կայքը պատասխանատվություն չի կրում:

© Interfootball.am 2023