«Խայտառակություն է». Լապորտան` Այնտրախտի 30 հազար երկրպագուների մասին

Եվրոպա լիգայի 1/4 եզրափակիչի պատասխան խաղում «Բարսելոնան» սեփական հարկի տակ 2:3 հաշվով պարտվեց «Այնտրախտին»` դուրս մնալով պայքարից։

Հայտնի է, որ «Այնտրախտի» մոտ 30 հազար երկրպագուներ մեկնել էին Բարսելոնա` աջակցելու սիրելի ակումբին։

Հանդիպումից հետո այդ մասին է խոսել «Բարսելոնայի» նախագահ Ժոան Լապորան` կատարվածը որակելով որպես խայտառակություն.

«Խայտառակություն է, որի կրկնումը հետագայում չենք կարող թույլ տալ։ Թեև մենք ունենք մեզ անհրաժեշտ տեղեկատվության միայն մի մասը, դեռ պետք է վերլուծենք կատարվածը:

Այս պահից սկսած` նման հարցերին շատ ավելի խիստ պետք է մոտենանք։

Ես, որպես կատալոնացի, ամաչում եմ կատարվածի համար։ Ցավում եմ, որ հյուրերի նման քանակի երկրպագուների թույլ տվեցինք ժամանել այստեղ։

Մենք միջոցներ կձեռնարկենք, որ նման բան այլևս չկրկնվի»,- Լապորտայի խոսքերը մեջբերում է AS-ը։

Հ․Գ․ միացե՛ք Interfootball-ի Telegram-ի ալիքին https://t.me/Interfootball_am